Jam 1 | AAK | STEP | Jemisonɨ —Nionɨ Gorɨxomɨ tí̵nɨ Jisasɨ Kiraisomɨ tí̵nɨ xɨnáíní̵nɨŋí̵ nimónɨrɨ omɨŋí̵ wiiarɨŋá wonɨrɨnɨ. Nionɨ payí̵ rɨna gí̵ ámá Jisasomɨ dɨŋí̵ wɨkwí̵roarɨgí̵áyí̵ne' nánɨ —Seyí̵ne' gwí̵ bɨ bɨ we' wu'kau' sɨkwí̵ wau' apɨyí̵ne' wí eŋí̵ nimónɨro ŋweagí̵áyí̵ne'rɨnɨ. Ayí̵ne' nánɨ payí̵ rɨna nearɨ yayí̵ seawáre'naparɨŋɨnɨ.

James 1

1 Jemisonɨ —Nionɨ Gorɨxomɨ tí̵nɨ Jisasɨ Kiraisomɨ tí̵nɨ xɨnáíní̵nɨŋí̵ nimónɨrɨ omɨŋí̵ wiiarɨŋá wonɨrɨnɨ. Nionɨ payí̵ rɨna gí̵ ámá Jisasomɨ dɨŋí̵ wɨkwí̵roarɨgí̵áyí̵ne' nánɨ —Seyí̵ne' gwí̵ bɨ bɨ we' wu'kau' sɨkwí̵ wau' apɨyí̵ne' wí eŋí̵ nimónɨro ŋweagí̵áyí̵ne'rɨnɨ. Ayí̵ne' nánɨ payí̵ rɨna nearɨ yayí̵ seawáre'naparɨŋɨnɨ.

“Iwamí̵ó neaíwapɨyarɨgí̵ápɨ eŋí̵ neaeámɨxɨpaxí̵rɨnɨ.” urɨŋí̵ nánɨrɨnɨ.

2 Gí̵ nɨrɨxí̵meáyí̵ne', seyí̵ne' rɨxa nɨjí̵á rɨpɨ imónɨŋoɨ. Jisasomɨ dɨŋí̵ nɨwɨkwí̵roróná eŋí̵ neánɨro rí̵a xí̵darɨŋoɨnɨrɨ iwamí̵ó seaíwapɨyíí̵ápimɨ xwámámí̵ nɨwie'ra nurónáyí̵, xeanɨŋí̵ rí̵á tí̵ŋí̵ rí̵wí̵yo seaímeaní̵ápimɨ enɨ xwámámí̵ wipaxí̵ imónɨpí̵rí̵árɨnɨ. Seyí̵ne' nɨjí̵á e imónɨŋagí̵a nánɨ xeanɨŋí̵ xɨxegí̵nɨ seaímeááná kí̵kí̵mí mimóní̵ “Dɨŋí̵ nií̵á neainɨní̵ápɨ nánɨ rí̵a neaímeaarɨnɨ?” yaiwíí̵rɨxɨnɨ. 4 Ámá xeanɨŋí̵ wikárarɨgí̵ápimɨ xwámámí̵ nɨwie'ra nu'í̵asáná imónɨpaxí̵ imónɨŋí̵pɨ seyí̵ne' enɨ axí̵pɨ imónɨpí̵rí̵a nánɨ xwámámí̵ nɨwie'ra u'í̵rɨxɨnɨ. E neróná Gorɨxo gí̵ ámá e imóní̵í̵rɨxɨnɨrɨ wimónɨŋí̵pɨ bɨ mɨmu'ró nɨpɨnɨ píránɨŋí̵ nɨyɨpárómɨnɨróná we' roárɨnɨgí̵áyí̵ne' xɨxenɨ e imónɨpí̵rí̵árɨnɨ.

“ ‘Dɨŋí̵ emí̵ saímí̵ mɨmoŋɨnɨ.’ nɨseaimónɨrí̵ná Gorɨxomɨ rɨxɨŋí̵ urí̵í̵rɨxɨnɨ.” urɨŋí̵ nánɨrɨnɨ.

5 Sɨnɨ dɨŋí̵ nɨpɨkwɨnɨ e'mí̵ saímí̵ mɨmoarɨŋí̵ go go “Xeanɨŋí̵ nímeaarɨŋí̵pɨ, ayí̵ apɨ nánɨ rí̵a nímeaarɨnɨ?” mɨyaiwipa nerí̵náyí̵, xewanɨŋo Gorɨxoyá dɨŋí̵ tí̵nɨ dɨŋí̵ e'mí̵ saímí̵ e mopaxí̵ oimónɨmɨnɨrɨ omɨ rɨxɨŋí̵ urí̵wɨnɨgɨnɨ. Gorɨxo ámá nɨyonɨ yaŋí̵ nɨwirí̵ná sí̵mí̵ tí̵nɨ mɨwí yaŋí̵ ewanií̵ nimónɨrɨ xwe'nɨ mɨnɨ wiarɨŋo eŋagɨ nánɨ ananɨ rɨxɨŋí̵ urí̵wɨnɨgɨnɨ. 6 E seararɨŋagɨ aí rɨxɨŋí̵ nurɨrí̵ná dɨŋí̵ bɨ biau' nɨmorɨ “Gorɨxo aga nepa nɨniapɨnɨrí̵enɨŋoɨ? Mɨniapɨpa enɨrí̵enɨŋoɨ?” mɨyaiwí aga xɨxenɨ dɨŋí̵ nɨwɨkwí̵rómáná “Nepa xɨxenɨ niapɨpaxorɨnɨ.” nɨyaiwirɨ rɨxɨŋí̵ urí̵wɨnɨgɨnɨ. Ámá dɨŋí̵ bɨ biau' moarɨŋí̵ go go rawɨrawáyo imeamí̵kwí̵ nerí̵ná imɨŋí̵ nɨxemɨ urɨ nɨxemɨ bɨrɨ yarɨŋí̵pí̵nɨŋí̵ imónɨŋagɨ nánɨ 7 ámá ónɨŋí̵ imónɨgí̵áyí̵ bɨ re mɨyaiwipa e'í̵rɨxɨnɨ, “Gorɨxomɨ rɨxɨŋí̵ uráná o ananɨ nɨniapɨnɨŋoɨ.” mɨyaiwipa e'í̵rɨxɨnɨ. 8 Ámá ayí̵ dɨŋí̵ nɨmoróná ná bɨnɨ mamó dɨŋí̵ naíroayirɨ nero moro amɨpí enɨ neróná “E oemɨnɨ.” yaiwíí̵ápɨnɨ me' xegí̵ bɨ xegí̵ bɨ ero yarɨgí̵áyí̵ eŋagɨ nánɨ e mɨyaiwipa e'í̵rɨxɨnɨ.

Ámá dí̵wí̵ ikeamónɨgí̵áyí̵ tí̵nɨ amɨpí mɨmu'rónɨgí̵áyí̵ tí̵nɨ apiau' nánɨrɨnɨ.

9 Segí̵ se'rɨxí̵meá dí̵wí̵ ikeamónɨgí̵áyí̵ re nɨyaiwiro mɨŋí̵ sí̵ŋá meakí̵ní̵í̵rɨxɨnɨ, “Nionɨ Jisaso neaiiŋí̵pimɨ dánɨ Gorɨxo seáyɨ e nimɨxɨŋonɨrí̵anɨ?” nɨyaiwiro mɨŋí̵ sí̵ŋá meakí̵ní̵í̵rɨxɨnɨ. 10 E nerɨ aí se'rɨxí̵meá amɨpí wí mɨmu'rónɨgí̵áyí̵ re nɨyaiwiro mɨŋí̵ sí̵ŋá meakí̵ní̵í̵rɨxɨnɨ, “Nionɨ Gorɨxoyá sɨŋwí̵yo dánɨ sa ikwiárɨnɨŋáonɨrí̵anɨ?” nɨyaiwiro mɨŋí̵ sí̵ŋá meakí̵ní̵í̵rɨxɨnɨ. Ará siyí̵ pɨyí̵ nerɨ pie'roarɨŋí̵pa ayí̵ enɨ anɨŋí̵ mɨŋweá axí̵pɨ apaxí̵ me' pepí̵rí̵á eŋagɨ nánɨ rarɨŋɨnɨ. 11 Seyí̵ne' nɨjí̵árɨnɨ. Sogwí̵ xaíwí̵ nɨwepí̵nɨrɨ nanɨrí̵ná ará yeáyí̵ yɨkiáráná xegí̵ siyí̵pɨ pɨyí̵ nerɨ nɨpie'rɨnowirí̵ná xámɨ awiaxí̵ imónɨŋí̵pɨ sɨnɨ mimóní̵ xwɨrí̵á inarɨŋí̵rɨnɨ. Ámá amɨpí wí mɨmu'rónɨgí̵áyí̵ enɨ “E nerí̵ná ámɨ bɨ tí̵nɨ bɨ tí̵nɨ nímeapaxí̵rɨnɨ.” yaiwiarɨgí̵ápɨ sɨnɨ nɨxí̵da nuróná sɨnɨ me' nero axí̵pɨ e pepí̵rí̵árɨnɨ.

Í̵wí̵ oe'poyɨnɨrɨ wímeaarɨŋí̵pɨ nánɨ urɨŋí̵ nánɨrɨnɨ.

12 Ámá Gorɨxomɨ xí̵darɨŋagí̵a nánɨ xeanɨŋí̵ wímeaarɨŋí̵ nɨpimɨnɨ xwámámí̵ nɨwie'ra nu'í̵asáná eŋáná Gorɨxo yayí̵ nɨwimorɨ dɨŋí̵ nɨyɨmɨŋí̵ imónɨŋí̵pɨ —Apɨ nánɨ nɨrɨrí̵ná “Ámá nionɨ dɨŋí̵ sɨxí̵ nɨyarɨgí̵á gɨyí̵ gɨyo mɨnɨ wimí̵árɨnɨ.” rɨnɨŋí̵pɨrɨnɨ. Yayí̵ nɨwimorí̵ná dɨŋí̵ nɨyɨmɨŋí̵ apɨ sɨxí̵ umímoní̵á eŋagɨ nánɨ ámá xeanɨŋí̵ wíí̵áyo xwámámí̵ yarɨgí̵áyí̵ Gorɨxoyá dɨŋí̵ tí̵nɨ yayí̵ wipaxí̵yí̵rɨnɨ. 13 Ámá xeanɨŋí̵ wímeaarí̵ná re mɨrɨpa e'í̵rɨxɨnɨ, “Gorɨxo nionɨ í̵wí̵ oenɨrɨ xeanɨŋí̵ apɨ níwapɨyíí̵rɨnɨ.” mɨrɨpa e'í̵rɨxɨnɨ. Ayí̵ rɨpɨ nánɨrɨnɨ. Gorɨxo ámá wí xí̵omɨ í̵wí̵ oenɨrɨ wíwapɨyipaxí̵ mimónɨŋorɨnɨ. Xí̵o enɨ ámáyo í̵wí̵ oe'poyɨnɨrɨ wíwapɨyarɨŋomanɨ. 14 Oweoɨ, nene newanɨŋene wine wine pípɨ nánɨ nɨneaimónɨrí̵ná í̵eapá nɨneainɨrɨŋí̵pimɨ dánɨ í̵wí̵ oe'poyɨnɨrɨ nearí̵peaarɨŋí̵rɨnɨ. 15 Apɨxí̵ niaíwí̵ agwí̵ nerɨ xɨrarɨgí̵ápa í̵eapá neainarɨŋí̵pɨ niaíwí̵ agwí̵nɨŋí̵ nerɨ í̵wí̵ ayí̵ niaíwí̵nɨŋí̵ xɨrarɨŋwárɨnɨ. Í̵wí̵ ayí̵ niaíwí̵nɨŋí̵ nɨxɨrɨmáná niaíwí̵ xwe' iwiaroarɨŋí̵pa í̵wí̵ yárí̵wápimɨ dánɨ nɨperane aní̵narɨŋwárɨnɨ. 16 Gí̵ nɨrɨxí̵meáyí̵ne', dɨŋí̵ sɨxí̵ seayiŋáyí̵ne', nionɨ re searí̵ápɨ, “Seyí̵ne' í̵wí̵ oe'poyɨnɨrɨ seaíwapɨyarɨŋí̵pɨ pípimɨ dánɨ marí̵áɨ, apimɨ dánɨ seaíwapɨyarɨŋí̵rɨnɨ.” searí̵ápɨ pí̵nɨ nɨwiárɨro yapí̵ me'wapí̵nɨpanɨ. 17 Pí pí naŋí̵ imónɨŋí̵pɨranɨ, pí pí awiaxí̵ imónɨŋí̵pɨranɨ, gɨmɨ dánɨ marí̵áɨ, aŋí̵namɨ dánɨnɨ neaímeaarɨŋí̵rɨnɨ. Ápo Gorɨxo —O pí pí aŋí̵namɨ wí̵á ónarɨŋí̵pɨ nánɨ mí̵kí̵ ikiŋorɨnɨ. Sogwí̵ onapámɨgí̵ ninɨrí̵ná sepiá imónɨrɨ rɨpí̵wí̵ imónɨrɨ yarɨŋí̵pa nimónɨrɨ ámɨ xegí̵ bɨ imónɨrɨ xegí̵ bɨ imónɨrɨ yarɨŋomanɨ. Onɨ amɨpí awiaxí̵ imónɨŋí̵pɨ anɨpá neaiaparɨŋí̵rɨnɨ. 18 Amɨpí o imɨxɨŋí̵pɨ nɨpimɨnɨ dánɨ ná bɨnɨ ayí̵ nene aiwá nɨwákwíní̵ miní̵í̵nɨŋí̵ oimóní̵poyɨnɨrɨ xewanɨŋo “E e'ɨmɨgɨnɨ.” wimónɨŋí̵pimɨ nɨxí̵dɨnɨrɨ oyá xwɨyí̵á nepa imónɨŋí̵pimɨ dánɨ nene neaemeaŋí̵rɨnɨ.

“Xwɨyí̵ápɨ xɨxenɨ arí̵á nɨwiro neróná rɨpɨ rɨpɨ yarɨgí̵árɨnɨ.” urɨŋí̵ nánɨrɨnɨ.

19 Gí̵ nɨrɨxí̵meáyí̵ne', dɨŋí̵ sɨxí̵ seayiŋáyí̵ne', apɨ nɨpɨnɨ nionɨ searí̵ápɨ seyí̵ne' rɨxa nɨjí̵á imónɨŋagí̵a aiwɨ rɨpɨ osearɨmɨnɨ. Arí̵á owianeyɨnɨro sɨŋwí̵ nanɨro aí apaxí̵ me' nɨwiápí̵nɨmearo xwɨyí̵á mɨrɨpanɨ. Wikí̵ enɨ aŋí̵nɨ mónɨpanɨ. 20 Ámá wikí̵ nónɨro neróná we' rónɨŋí̵ Gorɨxo wimónarɨŋí̵pɨ tí̵nɨ xɨxenɨ mɨyárarɨgí̵á eŋagɨ nánɨ rarɨŋɨnɨ. 21 Ayɨnánɨ segí̵ í̵wí̵ sɨnɨ yayarɨgí̵ápɨ —Bɨ nánɨ “Onɨmiárɨnɨ.” yaiwiarɨŋagí̵a aiwɨ nɨpɨnɨ piaxí̵nɨŋí̵ seaeánarɨŋí̵pɨrɨnɨ. Apɨ nɨpɨnɨ emɨ mɨmeámí̵ nero seáyɨ e mimónɨpa neróná xwɨyí̵á ámá aiwá ɨwí̵á urarɨgí̵ápa segí̵ xwioxí̵yo Gorɨxo ɨwí̵ánɨŋí̵ seaurárɨŋí̵pimɨ —Xwɨyí̵á apɨ seaerí̵kiemeapaxí̵ imónɨŋí̵pɨrɨnɨ. Apimɨ nɨmímɨnɨro “Píránɨŋí̵ oxí̵dɨmɨnɨ.” yaiwíí̵rɨxɨnɨ. 22 Yapí̵ ne'wapí̵nɨro “Xwɨyí̵á apɨ arí̵ánɨ nɨwirane'ná apánɨ yarɨŋwɨnɨ.” mɨyaiwí “Apɨ pí pí rɨnɨŋí̵pɨ tí̵nɨ xɨxenɨ oxí̵daneyɨ.” nɨyaiwiro xɨxenɨ e e'í̵rɨxɨnɨ. 23 Ayí̵ rɨpɨ nánɨ seararɨŋɨnɨ. Ámá xwɨyí̵ápɨ arí̵á nɨwiro aí xɨxenɨ me'í̵áyí̵, ayí̵ ámá xɨxí̵eáyo gí̵ sí̵mɨmaŋí̵ arɨge rí̵a imónɨnɨrɨ sɨŋwí̵ onɨmiápɨ ainení̵o yapɨ imónɨŋoɨ. 24 Xegí̵ sí̵mɨmaŋí̵yo xɨxí̵eá tí̵nɨ sɨŋwí̵ nainenɨmɨ numáná apaxí̵ me' “Gí̵ sí̵mɨmaŋí̵ e rí̵a imónɨnɨ?” yaiwíí̵pɨ nánɨ arí̵á ikeamoarɨŋorɨnɨ. 25 E nerɨ aí ámá ŋwí̵ ikaxí̵ awiaxí̵ imónɨŋí̵pimɨ —Apɨ í̵wí̵ yarɨŋwápimɨ dánɨ gwí̵nɨŋí̵ neayárɨnɨŋí̵pɨ neaíkweawárɨpaxí̵ imónɨŋí̵pɨrɨnɨ. Ámá apimɨ anɨŋí̵ sɨŋwí̵ agwí̵ nɨwɨnɨro xí̵darɨgí̵áyí̵ ónɨŋí̵ wí mimónɨŋoɨ. Arí̵á nɨwiróná dɨŋí̵ arí̵á mikeamó pí pí rɨnɨŋí̵pɨ tí̵nɨ xɨxenɨ nɨxí̵dɨro yarí̵ná Gorɨxoyá dɨŋí̵ tí̵nɨ yayí̵ winɨpaxí̵ imónɨŋí̵pɨ wímeaní̵árɨnɨ. 26 Ámá wo xegí̵ maŋí̵yo dánɨ nɨsanɨrɨ mɨrɨpa nerɨ aí “Nionɨ Gorɨxomɨ píránɨŋí̵ nɨxí̵dɨrɨ yarɨŋáonɨrɨnɨ.” nɨyaiwinɨrí̵náyí̵, xewanɨŋo yapí̵ e'wapí̵narɨnɨ. Xewanɨŋo “Gorɨxomɨ píránɨŋí̵ nɨxí̵dɨrɨ yarɨŋɨnɨ.” nɨyaiwinɨrɨ yarɨŋí̵pɨ enɨ ráí̵nɨŋí̵ imónɨnɨ. 27 Ámá negí̵ ápo Gorɨxo “Ayí̵ sɨyikwí̵ míní̵ egí̵áyí̵ nionɨ píránɨŋí̵ nɨxí̵darɨŋoɨ.” wiaiwiarɨŋí̵yí̵ rɨpɨ yarɨgí̵árɨnɨ. Uyípeayí̵ ikeamónarɨŋagí̵a nɨwɨnɨróná arɨrá wiro apɨxí̵ aníwa ikeamónarɨŋagí̵a nɨwɨnɨróná arɨrá wiro ayá udunɨpaxí̵ ámá Gorɨxomɨ mɨxí̵darɨgí̵áyí̵ yarɨgí̵ápɨ nene enɨ xe oneaxí̵meanɨrɨ mɨyaiwipa ero yarɨgí̵árɨnɨ.